الصفحة الرئيسية › قضايا و حوادث

قضايا و حوادث بالصور: بعد وفاة الشقيقتين "ريم وإيرام" اختناقا بالغاز: هذا ما نشرته أختهما "ريام" بعد استفاقتها من الغيبوبة ونجاتها بأعجوبة

توفيت صباح اليوم الاربعاء 12 فيفري 2020 فتاتين شقيقتين أصيلتا مدينة أم العرائس تدعيا "ريم وايرام السعيدي" إختناقا بالغاز داخل منزلهما الكائن بسيدي حمد زروڤ بقفصة فيم نجت شقيقتهما الثالثة بأعجوبة بعد دخولها في غيبوبة.

هذا وتم نقل جثامين الشقيقتين من محل سكناهما بقفصة الى مدينة ام العرائس اين يتم موارتهما التراب بمقبرة أولاد بويحي الساعة الرابعة بعد الزوال

في هذا الاطار نشرت "ريام السعيدي" شقيقة الراحلتين تدوينة مؤثرة جاء فيها مايلي:

"وخيااااااتي... بنياااااااتي... عوينااتي الزوز... فرحتي... حورياااتي... و مزيناتي... تخطفتو منا زوز عصافير جنة يا ليتني ما فقت منها حتى انا الغيبوبة و مشيت معاكم يا ليتني ما رجعت يا ليتنا مشينا 3
مش كان انتم و خلينا دنيا النفاق و المنكر علاش يا رب
يااا ربي نعرف ساعتهم حضرت نعرف الحكم حكمك و القضاء قضاءك اما راني تشوييييت
راني كنت نخدم على خاطركم راني تمنيت نفرحكم راني حبيت نحوط عليكم و نستحفظ عليكم تو شكون عندي لا أخت لا حنانة
لشكون نحكي و لشكون نفرغ قلبي و على شكون نخرنن و على شكون ندلل
مصلي عالنبي عليكم كنتو نور و زين و أخلاق و تربية و حنانة كنت فرحانة بيكم ذرعاتي الزوز و السند متاعي بنات آخرة مش دنيا نشالله ربي يرحمكم يا نوراتي
ياااااا ربي راك ديما تبتلي فياااا و نصبررر اما المرة هاذي إمتحانك جاء صعيب و أكثر ملازم يا ربي صبرني و صبرلي ميمتي الغريبة و أهلي ..
يا ربي صبرنااااا إن لله و ان اليه راجعون..
بجاه ربي توقروووووو ياناس فيقوو راكم ماكلين بعضكم على وسخ دار الدنياا في وقت لي هياااا ماتسوى شي و فانية حاربتوني في كل شي خدمتي حياتي الخاصة ضحكتي مخي وياما فو بروفيل عملتولي كل حاجة عندي حسدتوني عليها حتى خواتي و كان ردي هوا الصبر لله عز و جل اما تو كل شي مشاااا محبيتوش تمنو انو ربي مقسمها قد قد ناس كل كيف كيف و لا حد خير من حد.. توقرو يا ناس يا عالم توقرو أقسم بربي كان الموت شفتها أقسم بربي كان مشيت لدنيا أخرى و عالم أخر و رجعني ربي أما هزلي خواتي نشالله الشوية لي تشويتها توقركم و تعلمكم درس..
خاطر بالحق عيناياااا الزوز مشو..
دنيا نكرهاااا و زدت تو كرهتها أكثر..
ان لله و ان اليه راجعون ".